News

कामना सेवा विकास बैंकद्वारा २५ औं शाखा रहित बैंकिङ्ग सेवा सञ्चालन

 

कामना सेवा विकास बैंक लिमिटेडले देशका विभिन्न स्थानहरुमा सर्वसुलभ तथा अत्याधुनिक बैंकिङ्ग सेवा पु¥याउने उद्देश्यका साथ थप नयाँ स्थानहरूमा मोबाइल एप मार्फत शाखा रहित बैंकिङ्ग सेवा शुभारम्भ गरेको छ । बैंकले सेवा विस्तार गर्ने क्रममा मिति २०७९ साल भाद्र २७ गते सोमबारबाट नवलपरासी जिल्लाका हुप्सेकोट गा.पा. लि वडा नं. ३ मा शाखा रहित बैंकिङ्ग सेवा सञ्चालनमा ल्याएको छ ।  


हुप्सेकोट गा.पा. वडा नं ३ नवलपुर स्थित गुरुङ्ग किराना पसल (प्रो. सञ्जु गुरुङ) लाई शाखा रहित बैंकिङ्ग सञ्चालनको लागि व्यावसायिक प्रतिनिधि नियुक्त गरिएको छ । हुप्सेकोट गाउँपालिकाका अध्यक्ष श्री लक्ष्मी देवी पाण्डेले उक्त शाखा रहित बैंकिङ्ग सेवाको समुद्घाटन गरी सेवा शुभारम्भ गर्नु भएको थियो । कार्यक्रममा वडा नं. ०३ का वडा अध्यक्ष श्री विष्णु बहादुर राना तथा अन्य जनप्रतिनिधिज्युहरु, व्यावसायिक प्रतिनिधि, स्थानीय महानुभावहरुका साथै बैंकका अन्य कर्मचारीहरुको उपस्थिती रहेको थियो । 


शाखा रहित बैंकिङ्ग मार्फत खाता खोल्ने, निक्षेप संकलन, रकम भुक्तानी, विभिन्न बिल भुक्तानी लगायतका सुविधाहरु प्रदान गरिनेछ । यो सेवाबाट ग्रामीण तथा बैंकिङ्ग पहुंच नपुगेका क्षेत्रमा बैंकप्रति उल्लेख्य विश्वास एवं बैंकिङ्ग अवधारणाको विकास हुने अपेक्षा बैंकले लिएको छ ।