News

कामना सेवा विकास बैंकको ‘KS DIGI WORLD’ सार्वजनिक ।

 

कामना सेवा विकास बैंक लिमिटेडले आफ्ना ग्राहक महानुभावहरुलाई डिजिटल माध्यम मार्फत सर्वसुलभ तथा अत्याधुनिक डिजिटल बैकिङ्ग सेवा प्रदान गर्ने हेतुले अनलाईन पोर्टल (KS DIGI WORLD) सार्वजनिक गरेको छ । बैंकले मिति २०७९ साल आषाढ २२ गते मङ्गलबारका दिन KS DIGI WORLD सार्वजनिक गरी सेवा सञ्चालनमा ल्याएको छ ।


यो सेवा लागू भएपछि बैंकका ग्राहक महानुभावहरुले बैंकको वेबसाईट वा मोबाईल एप मार्फत अथवा digiworld.kamanasewabank.com मा गई एकद्वार प्रणालीमार्फत घरैमा बसी अनलाईन सेवाहरु प्राप्त गर्न सक्नेछन् । KS DIGI WORLD मा अनलाईन खाता, अनलाईन ऋण आवेदन, अनलाईन डिम्याट र मेरोशेयर, अनलाईन कार्ड रिक्वेस्ट, अनलाईन क्युआर रिक्वेस्ट, अनलाईन ग्राहक केन्द्र सेवा लगायतका सेवाहरु उपलब्ध छन् । साथै बैंकले आगामी दिनहरुमा समेत अन्य अनलाइन सेवाहरू थप गर्दै जाने योजना बनाएको छ ।